നഗരത്തിലെ ഓഫീസില്‍
ചില്ലുടുപ്പിട്ട
ചതുരമുറിയിലിരുന്ന്
നട്ടപ്പാതിരയ്ക്ക്
ഇലകളുടെ ഭുപടത്തില്‍
ഞാനെന്റെ ഗ്രാമത്തിലെ
വീടുതിരയുന്നു
വീടിനോടുചേര്‍ന്ന
റബര്‍തോട്ടം തിരയുന്നു
തേക്കിലയുമായിവന്ന്
കൂക്കിവിളിക്കുന്ന
മീന്‍കാരന്‍
മൊയ്തീനെത്തിരയുന്നു
പട്ടിയുടെ വരിയെടുക്കാന്‍
പാത്തുപതുങ്ങിയെത്തുന്ന
മത്തായിച്ചേട്ടനെത്തിരയുന്നു
നായിക്കമ്പറമ്പില്‍കാരുടെ
ചായക്കടതിരയുന്നു
ഇരുതുടകളിലും കൈവെച്ച്
ഇടക്കുള്ളവനെ ഉണര്‍ത്തുന്ന
ഇട്ടൂപ്പുചേട്ടന്റെ
ബാര്‍ബര്‍ഷോപ്പ് തിരയുന്നു
പത്തുമണി പെണ്കുട്ടിയേയും കൊണ്ട്
പറന്നുപോകുന്ന
ഫാത്തിമ ബസ്സുതിരയുന്നു
മലാന്‍ വന്നടിഞ്ഞ
കടവുതിരയുന്നു
മലാന്‍കടവ് ആര്‍ട്സ് ആന്‍റ്‌
സ്പോര്‍ട്സ് ക്ലബ് തിരയുന്നു
മുച്ചീട്ടുകളിക്കാരുടെ
മെഴുകുതിരി വെളിച്ചത്തില്‍
മെഴുവേലിബാബുജിയുടെ
മഞ്ഞപ്പുസ്തകം തിരയുന്നു
കുട്ടിക്കുപ്പായമിട്ട്
കുളിച്ചുകേറുന്ന
കുഞ്ഞമ്മായിയെ തിരയുന്നു
ഈറ്റക്കാടുകള്‍ക്കിടയില്‍ വീണ
വാണത്തിന്റെ
വിത്തുതിരയുന്നു
നഗരത്തിലെ ഓഫീസില്‍
ചില്ലുടുപ്പിട്ട
ചതുരമുറിയിലിരുന്ന്
നട്ടപ്പാതിരയ്ക്ക്
ഇലകളുടെ ഭുപടത്തില്‍ ഞാനെന്നെത്തിരയുന്നു
ആഴങ്ങളിലേക്കോ
ആരോഹണങ്ങളിലേക്കൊപോകാതെ
അലഞ്ഞുതിരിയുന്ന
ഈ പച്ചഞരമ്പുകള്‍
എന്റെതന്നെ വേരുകളാണ്‌
എന്നൊക്കെ പറഞ്ഞവസാനിപ്പിക്കും മുമ്പൊരുചോദ്യം
നട്ടപ്പാതിരയ്ക്ക്
പോണ്‍ സൈറ്റില്‍
പെണ്ണുടലുകള്‍
പരതുന്നവന്റെ
പെടാപ്പാട് നിനക്കറിയുമോ വായനക്കാരീ[രാ]
15 comments:
This post is being listed by keralainside.net . Please visit keralainside.net and add this post to the favourite blogs database.. Thank you..
പ്രതാപിന്റെ കവിതകളില്‍ മുന്‍പ് കണ്ടിട്ടില്ലാത്തതും ബ്ലോഗ് കവിതകളില്‍ പൊതുവെ കാണപ്പെടുന്നതുമായ ഒരു ചടുലത ഈ കവിതയില്‍ കാണുന്നു.കവിതയുടെ അവസാന ഭാഗത്ത് സ്ഥിരമായുള്ള ശരീരോത്കണ്ഠകള്‍ കടന്നുവന്ന് ‘ഇത് പ്രതാപിന്റെ കവിത തന്നെ’ എന്ന് സ്ഥിരം ചട്ടത്തില്‍ ഒതുക്കാനും ശ്രമിക്കുന്നുണ്ട്...
ഉം .. അഡൊളഷന്‍സ് കഴിഞ്ഞാല്‍ വളരാത്ത അവയവങ്ങളില്‍ ഒന്നാണത്.
വളരെ ആഴങ്ങളിലേക്ക് തുറക്കുന്ന വായന. നന്നായി :)
ഓഫ്. അപ്പോള്‍ ഫ്രെയിമിലെ പച്ചിലയോട് അനങ്ങരുതെന്ന് പറഞ്ഞിട്ട് അനങ്ങി അല്ലേ.. വാണെന്നോ വീണെന്നോ ഒക്കെ ഇവിടെ :)) ഞാനോടി .....
പോണ്‍ സൈറ്റിലേക്കുള്ള വേരുകള്‍ പരതുന്നവന്റെ
പെടാപ്പാട് നിനക്കറിയാമോ വായനക്കാരീ[രാ]
ഇഷ്ടമായി :)
കൊള്ളാം നന്നായി...
അഭിനന്ദനങള്‍!!
:)
ആരും നിര്‍ബന്ധിക്കുന്നില്ലല്ലോ സാറേ!!! പണി രാജിവെച്ച് നാട്ടില്‍ തെണ്ടിനടന്നൂടേ.. കവിത തകര്‍ത്തു!!!!
നന്നായിട്ടുണ്ട്.
എവിടൊക്കെയോ ചില പരത്തിപ്പറയലുകളില്ലേ എന്നൊരു സന്ദേഹം.
ആശംസകളോടെ
വര്‍ഷിണി...
കഥയില്‍ പടര്‍ന്നു
പന്തലിച്ച്...
ആഖ്യാനം തന്നെ
വിഷയം
ചങ്ങാതീ.
പ്രിയസുഹൃത്തേ...
ആരോ ഒരാള്‍ അല്ല താങ്കള്‍, ആരുടെയൊക്കെയോ ആരൊക്കെയോ ആണ്... അല്ലെങ്കിലെന്തിന് ഇങ്ങനെ തിരികെ വിളിക്കണം?
:)
njanum kandu chila kaazhchakal changaathi
പെണ്ണുടലുകളില്‍ തന്റെ വേരുകള്‍ തിരയുന്ന ആള്‍ ..ഭയങ്കരം !
ithu oru kavithayayittuundu sammathichu.ennalum chettayi,ee shareeram ennaa valiyoru problema alle?athine kavithennu kodanhu kalayaan enna paada!!!
ചതുരമുറിയിലിരുന്ന്
നട്ടപ്പാതിരയ്ക്ക്
ഇലകളുടെ ഭുപടത്തില്‍ ഞാനെന്നെത്തിരയുന്നു.....പണ്ടെങൊ ഞാൻ എന്നെത്തന്നെ തിരഞ്ഞു നടന്നതിന്റെ ഒരോർമ്മ.
നന്ദി....
Post a Comment