Wednesday, November 24, 2010

നമ്മുടെ കാലത്തെ ആദരണീയനായ എഴുത്തുകാരന്‍

നമ്മുടെ കാലത്തെ
ആദരണീയനായ എഴുത്തുകാരനെ
ഒരു വായനക്കാരനെന്ന നിലയില്‍
ഒരിക്കല്‍ പരിചയപ്പെട്ടു

എഴുപതുകളുടെ മധ്യാഹ്നത്തില്‍നിന്ന്
എണ്‍പതുകളും
തൊണ്ണൂറുകളും താണ്ടി
രണ്ടായിരത്തിപ്പത്തില്‍ എത്തിയതായിരുന്നു അയാള്‍

സര്‍ ,
എന്റെ പേരിതാണ്‌
ഇന്നതു ചെയ്യുന്നു
ഇവിടെനിന്നാണ്‌ വരുന്നത്‌
ഇങ്ങനെ..
ഇങ്ങനെ...

എത്ര നല്ല മനുഷ്യന്‍...
ക്ഷമയോടെ കേട്ടു,
ചിരിച്ചു ,
ഹസ്തദാനം ചെയ്തു

നമ്മുടെ കാലത്തെ
ആദരണീയനായ എഴുത്തുകാരനെ
ഞാന്‍ വീണ്ടും കണ്ടുമുട്ടി

സര്‍ എന്റെ പേരിതാണ്‌
ഇന്നതു ചെയ്യുന്നു
ഇന്നയിടത്തുവെച്ച് പരിചയപ്പെട്ടിട്ടുണ്ട്
ഇങ്ങനെ...
ഇങ്ങനെ....

നമ്മുടെ കാലത്തെ
ആദരണീയനായ എഴുത്തുകാരനെ
ഞാന്‍ മൂന്നാമതും
നാലാമതും പരിചയപ്പെട്ടു...

നമ്മുടെ കാലത്തെ
ആദരണീയനായ എഴുത്തുകാരനെ
ഞാന്‍ പതിനൊന്നാമത് പരിചയപ്പെട്ടു
സര്‍ ..
ഇങ്ങനെ...
ഇങ്ങനെ...

നമ്മുടെ കാലത്തെ
ആദരണീയനായ എഴുത്തുകാരനെ
തടിച്ച് കൊഴുത്ത്
അല്‍പം വായാടിയായ
എന്റെ സഹപ്രവര്‍ത്തക
ഒരിക്കല്‍
പരിചയപ്പെട്ടു

സര്‍,
എന്റെ പേരിതാണ്‌
ഇന്നതു ചെയ്യുന്നു
ഭര്‍ത്താവ്...
ഇങ്ങനെ...
ഇങ്ങനെ....

നമ്മുടെ കാലത്തെ
ആദരണീയനായ എഴുത്തുകാരന്‍
അന്നു രാത്രിതന്നെ
തിരിച്ചു വിളിച്ചു

അവളുടെ ഹലോട്യൂണിനെക്കുറിച്ചായി
പിന്നെ സംസാരം
ആ വരികളുടെ മഹത്വത്തെക്കുറിച്ച്
നമ്മുടെ കാലത്തെ
ആദരണീയനായ എഴുത്തുകാരന്‍
ആ [അ] സമയത്ത് ഒരുപന്യാസം തന്നെ പറയുകയുണ്ടായി

അടുത്ത ദിവസവും
അതിനടുത്ത ദിവസവും
നമ്മുടെ കാലത്തെ
ആദരണീയനായ എഴുത്തുകാരന്‍
അവളെ വിളിക്കുകയുണ്ടായി

നമ്മുടെ കാലത്തെ
ആദരണീയനായ എഴുത്തുകാരന്‍
തന്നെ വിളിക്കുന്നതിലുള്ള
ആത്മസന്തോഷം കൊണ്ട്
ഭര്‍ത്താവിന്‌ പരിചയപ്പെടുത്താനും
അവള്‍ മറന്നില്ല

നമ്മുടെ കാലത്തെ
ആദരണീയനായ എഴുത്തുകാരന്‍
ആറാമതും
ഏഴാമതും
അര്‍ധരാത്രി വിളിച്ചപ്പോള്‍
അവള്‍ ഫോണെടുത്തില്ല

പിറ്റേന്നു വിളിച്ചപ്പോള്‍
ഭര്‍ത്താവിന്‌ ഇഷ്ടമാകില്ല അതുകൊണ്ടാണ്‌
എന്നൊരു കള്ളം പറയാനും
അവള്‍ മറന്നില്ല

ഇത്തവണ
കുടുംബത്തെക്കുറിച്ചായിരുന്നു
നമ്മുടെ കാലത്തെ
ആദരണീയനായ എഴുത്തുകാരന്റെ
ഉപന്യാസം

നമ്മുടെ കാലത്തെ
ആദരണീയനായ എഴുത്തുകാരന്‍
പതിനൊന്നാമതും വിളിച്ചു

അവളുടെ ശബ്ധം കേള്‍ക്കാതെ
അയാള്‍ക്കുറങ്ങാനാവില്ല
എന്നൊരെസ്സെമ്മസ്സായിരുന്നു
അടുത്തത്‌

നമ്മുടെ കാലത്തെ
ആദരണീയനായ എഴുത്തുകാരന്‍
നൂറ്റിപ്പതിനൊന്നാമതും ...

8 comments:

Arun Meethale Chirakkal said...

Nammute kaalathe aa aadaraneeyanaya ezhuthukarane enikkariyamennu thonnunnu :)

Ezhuthikkondirikkunnathil santhosham.

രാജേഷ്‌ ചിത്തിര said...

ആദരണീയരും,
അല്ലാത്തവരുമായ
ഒരുപാട് എഴുത്തുകാരെ, ഓര്‍മ്മിക്കുന്നു.
എസ്.എം.എസ്സായ നമ:

arifa said...

തിരിച്ചറിവുകള്‍ ഉണ്ടായിരിക്കണം!!!
ആദരണീയത ചിലപ്പോള്‍ ഖദര്‍ ഷാള്‍ പോലെ മുഖം മറക്കാന്‍ ഉപകരിച്ചേക്കും!

Ranjith chemmad / ചെമ്മാടൻ said...

നമ്മുടെ കാലത്തെ
ആദരണീയനായ.....

naakila said...

:)

കൊടികുത്തി said...

njarambukal pala vidham

Rammohan Paliyath said...

take it positively dear: he may not be gay!

prathap joseph said...

റാം മോഹന്‍ ഗേയായിക്കോട്ടേ.. അതെന്റെ വിഷയമല്ല....