ഞാന് നോക്കുന്നത്
എന്റെ കണ്ണുകൊണ്ടാണെങ്കിലും
എന്റെ ശരീരം മുഴുവന്
നിന്നെ ആഗ്രഹിക്കുന്നുണ്ട്
ഞാന് നോക്കുന്നത്
നിന്റെ കണ്ണിലേക്കാണെങ്കിലും
നിന്റെ ശരീരം മുഴുവന്
ഞാന് ആഗ്രഹിക്കുന്നുണ്ട്
എങ്കിലും
എന്റെ കണ്ണും
നിന്റെ കണ്ണും
കൂട്ടിമുട്ടുന്ന ആ നിമിഷം
എന്റെ ശരീരവും
നിന്റെ ശരീരവും
എവിടെയോ
വിസ്മരിക്കപ്പെടുന്നുണ്ട്
എന്റെ ശരീരവും
നിന്റെ ശരീരവും
കൂട്ടിമുട്ടുന്ന
ആ നിമിഷം
എന്റെ കണ്ണുകളും
നിന്റെ കണ്ണുകളും
അത്രതന്നെ
അനാവശ്യവുമായിത്തീരുന്നുണ്ട്
8 comments:
ഇഷ്ടപ്പെട്ടു പോയി..!
ഞാനീ വരികള് വായിക്കുന്നത്
എന്റെ കണ്ണുകൊണ്ടാണെങ്കിലും
എന്റെ മനസ്സു മുഴുവന്
നിന്നെ ആഗ്രഹിക്കുന്നുണ്ട്...
സസ്നേഹം,
ശിവ.
കവിത ഇഷ്ടപ്പെട്ടു.. :)
ഞാനിത് വായിക്കുന്നത്
എന്റെ കണ്ണുകൊണ്ടാണെങ്കിലും
വരികള്ക്കുള്ളിലെ നിന്നെ
ഞാന് അറിയുന്നുണ്ട്
അതാണ് സേനഹം
യഥാര്ഥ സേനഹം
paamaran,siva,sharu,ranjith, anoop-santhosham
സുന്ദരം.
കണ്ണു തുറന്നിരിക്കുമ്പോഴാണ് കവിത മുളക്കുന്നത്. കവിത മാത്രമല്ല, എല്ലാ കലയുടെയും ബീജാവാപം തുറന്നിരിക്കുന്ന ഇന്ദ്രിയങ്ങളിലല്ലേ? അതിനെ സ്വാംശീകരിക്കുമ്പോള് കണ്ണുകള് (ഇന്ദ്രിയങ്ങള്)അടയുന്നുണ്ടാകാം.
കവിത ഇഷ്ടപ്പെട്ടു.
Post a Comment